முனைவர் முத்து குணசேகரன் அவர்கள் தஞ்சை மாவட்டம், சீர்காழி வட்டத்தைச் சேர்ந்த கொடியம்பாளையம் என்னும் கடற்கரைச் சிற்றூரில் 1938 மார்ச் 4-ஆம் தேதி பிறந்தார்.

இவரது தந்தை முத்து; தாயார் லோகாம்பாள். தனது ஆரம்பக் கல்வியைக் கொடியம்பாளையத்திலும், உயர்நிலைக் கல்வியை ஆயங்குடிப்பள்ளம் வெங்கடேசா உயர்நிலைப் பள்ளியிலும் பயின்றார்.

இவரது மேடைப் பேச்சுக்கள் வேகம் மற்றும் விவேகம் நிறைந்தவை. சங்க இலக்கியம் முதல் தற்கால இலக்கியம் வரை அனைத்தையும் கரைத்துக் குடித்தவர்.

இவரது தங்குதடையற்ற சொற்பொழிவு, கேட்பவர்களை கட்டிப்போடும் வல்லமை கொண்டது. தமிழ் இலக்கியங்களில் இவருக்கிருக்கும் அபார நினைவாற்றலால் அறிஞர்கள் இவரை "Encyclopedia" என்று போற்றுகின்றனர்.

தன் வாழ்நாள் முழுவதும் பொதுவுடைமைக் கொள்கைகளிலும், பெரியாரியச் சிந்தனைகளிலும் உறுதியாக நின்றவர் முத்து குணசேகரன்.

தமிழக வரலாற்றில் இவருக்குரிய அங்கீகாரம் கிடைக்கவில்லையென்றாலும், இவரது எழுத்துக்கள் காலமெல்லாம் நிலைத்து நிற்கும்.